لما تدور بين العيون تتوه
لما تروح بين الاحضان وتتغرب
لما تحضن الايدين تضيع
ولما توصل للشط تغرق
لما فى حضن امك تنتحر
لما الأخ يتنكرلك
ولما الاخت مفيش
ولما الصديق يضل الطريق اليك
ولما الحبيب يبعت سهام تصيب
ولما السماء تمطر ألم
ولما الارض تطرح وجع
ولما البحر ملوش قرار
ولما الآه لاتتسمع جواك ولا براك
اكيد لسه فاضل كلمة
يارب
Posts
9 comments:
يا رب
جميل البوست ده
اشراقة امل فى الايام الجميلة دى
فعلا الواحد مالوش غير سبحانه و تعالى
تحياتى
ولما الارض تطرح وجع
ولما البحر ملوش قرار
---
أي
اي بجد
حلوين قوي السطرين دول
شكلك داخله على المعاميع
------
بصي ياستي .. بادي ذي بدئ .. هي بداية حلوه وقويه
والمعنى اللي بتتكلمي فيه واصل سهل وممتنع
بس كبري الخط شويه
اخوكي شيش بيش ومش بيشوف بالليل .. ولا بالنهار وحياتك
سلاموووووووووووز
خبر ايه يا دوللي
يعني انا فرحت اني كنت اول واحد علق الموضوع اللي فات وكنت فرحان اني هاكون اول واحد يعلق عالموضوع ده .. تقومي تاخدي المركز الاول
اذن .. فهي الحرب يا دوللي
ملحوظه
ساجي .. شيلي الفيريفيكيشن اللي لازم يتكتب قبل ما يتنشر التعليق .. عشان نعرف نعلق كل شويه
سلامووووووووووز
ايون هى الحرب
انا هاخد المدونة دى لحسابى
و بعون الله
هنتصر عليك و على كل الشوباب
و هعمل اتفاق مع ساجى انها تبقى عميلة لحسابى
هغريها بطبق بلح باللبن :)
ياارب
يارب انت سندى وعونى
يارب
يارب لك الحمد انك اللهى
يارب
رائع مااخترتى به بداية لبوستاتك
والاروع انها بداية مناجاه
منتظرين الجديد ياساجى
احمد
مبروك المدونه طبعا انا اخر من يعلم
كلماتك جميله و رقيقة مثلك
بالتوفيق دائما
تحياتي
ميرسي يا إيناس يا جميله
وابدا انت مش آخر من يعلم ولا حاجة
ده انت حبيبة الكل
وانت الأرق والأجمل يا سكره
ويديم المحبه بينا
وهى أجمل ما ينطق اللسان
صحيح ان آلامنا تذيبنا .. وتغرقنا فلا نكاد نلاحظ
الا ان بصة صغيرة على طريقة انظر حولك يجدين ان اصدقائك من حولك .. والحبيب فى الطريق .. والأمل هناك .. لكنه لايأتى
يجب ان نسعى اليه
يقول المولى
وان ليس للانسان الا ماسعى
يعنى لسه الأغانى ممكنة على رأى محمد منير
كل الامنتيات بان يحقق لك الله السعادة والتوفيق
يارب
Post a Comment